::: Feel:It:First :::[beta1]:::: Google TV នឹងផ្លាស់ប្តូរនិយមន័យរបស់ទូរទស្សន៍

ថ្មីៗនេះមានព័ត៌មានទាក់ទងទៅនឹងទូរទស្សន៍បែបថ្មីដែលហៅថា Google TV ។ តាមពិតទៅវាមានរយះពេល៥ខែទៅហើយចាប់តាំងពីក្រុមហ៊ុន Google បានប្រកាសទៅការពិភពលោកនាឪកាស Google I/O កន្លងមកហើយថ្ងៃនេះ យើងខ្ញុំរីករាយក្នុងការបង្ហាញពីដំណើរវិវឌ្ឍន៍និងណែនាំលោកអ្នកនូវផលិតផលថ្មីនេះ។

Google TV នឹងផ្លាស់ប្តូរមុខងារនិងការគិតរបស់លោកអ្នកចំពោះទូរទស្សន៍ដែលនៅនឹងមុខលោក អ្នក។ លោកអ្នកអាចទស្សនាអ្វីដែលលោកអ្នកចង់មើលពីប្រភពណាក៏ដោយ អ្វីៗទាំងអស់មាននៅលើទូរទស្សន៍ HDTV។ Google TV នឹងផ្តល់ជូនលោកអ្នកនូវការទស្សនាវីឌឺអូរ កម្មវិធីសម្តែងផេ្សងៗ កម្មវិធីដូចទូរស័ព្ទ គេហទំព័រទាំងពីបណ្តាញអ៊ីនធឺណែត បន្ថែមពីនេះលោកអ្នកអាចទស្សនាកម្មវិធីទូរទស្សន៍ធម្មតា និងទស្សនាតាមរយះមាស៊ីនចាកវីឌឺអូរ។

Google TV បានសហការណ៍ជាមួយដៃគូរធំៗដូចជា៖

Turner Broadcasting ដែលមានបណ្តាញទូរទស្សន៍ដូចជា TNT, TBS, CNN, Cartoon Network និង Adult Swim.
NBC Universal បណ្តាញទូរទស្សន៍ដែលផ្តល់ព័ត៌មានទាក់ទងទៅនឹងពាណិជ្ជកម្មនិងទីផ្សារភាគហ៊ុន ដែលមាន CNBC
HBO ទូរទស្សន៍ផ្តល់ជូននូវការទស្សនាភាពយន្ត
NBA ទូរទស្សន៍ផ្តល់ជូននូវពិន្ទុនៃការប្រកួតកីឡាផ្សេងៗ

ក្រៅពីនេះលោកអ្នកអាចទស្សនាជាង ៧៥០០ ភាពយន្តដោយការជួលឬជាវ តាមតម្រូវការតាមរយះ Amazon Video On Demand។ ចំណែកឯ Netflix ក៏ផ្តល់ផងដែរនូវការទស្សនាដោយមិនកំណត់រាល់ ភាពយន្ត កម្មវិធីទូរទស្សន៍ផ្សេងដោយផ្តល់ទៅកាន់ទូរទស្សន៍ Google TV ។
លោកអ្នកអាចទទួលយកផលប្រយោជន៍ពី Google TV ដោយ៖

សម្រាប់ទូរទស្សន៍ជំនាន់មុន (HDTV) ដែលមាន HDMI លោកត្រូវជាវ Logitech Revue Set top box ឧបករណ៍បន្ថែមទៅទូរទស្សន៍លោកអ្នកកំពុងប្រើប្រាស់

ឧបករណ៍បញ្ជារ និង Logitech Revue
ជាវទូរទស្សន៍ថ្មីដែលមានកម្មវិធី Google TV ស្រាប់ (នៅលើទីផ្សារមានតែ SONY ទេនាពេលបច្ចុប្បន្ន)